返回列表 回復 發帖

(河馬仔賽馬專欄)2021/05/02


三季累績:- $323518


又一個星期,今次就揀第8場三班1200米啦。

位置Q三馬膽
1「莫浪求」此駒今季都算回得好多,而且感覺進度及操練皆有點不太齊全,但近兩場輸仲有理由可講,大前一仗大後上又撞入馬林基本上大失良機,上場早早三四疊轉彎大後上,同樣非此駒所長。此駒乃一隻要守黃金庖箱位轉彎走甩的馬,今場快馬唔算太多,佢又喜逢一檔,就算「頓」已不再騎此駒,但用「小潘」未必冇表現之理,而「東」「小潘」配上次「將耀」今季也首次騎練入圍,今次仍可以期待的。

3「大雷暴」當然隻馬冇乜特別能力,而且放頭又非此駒所長,又係一點得少少追趕力的跟前馬匹,上場用「巴」起步已不順,但可惜跟得甚快之下,僅失PLACE。今次有「周」的減磅,而且隻馬好似冇咁馬頭左右擺,如出閘順利的話,今次與主要對手「快快有」「青心星」再有磅位距離,此駒今季實際用得不算太多,又有好檔,黃金機會咯。

4「快快有」上場贏得唔算好輕鬆,而且轉彎都好論盡,不過咁都贏得都算隻馬進步,雖然今次磅位增加,但本身仍在成長期,今場對手能力見盡或未見能力的馬匹不少,仍是飛唔甩佢的。

後備位置Q馬
6「安錦」隻馬上場當然麻麻,而且外地出閘都係算一般,但此駒在愛爾蘭就算對手弱,但跑法唔係大後上型,而係中置型找位衝的類型,而且有點鬥心的。上面自己揀左三隻熱門,就撞一隻有點變化的不明物體啦,一來此駒馬身漲番好多,二來拍「大家開心」一課真係幾定及力度有增,如果今場有堆對手係減分為主的話,唔敢講呢隻有冇執個第三的機會。


其他馬匹
2「美麗多多」出閘麻煩多多,而且就算正常都係偏慢,跑1200米以前後追都超辛苦,真係1400米才合追。未知近兩次是否隻馬厭戰,鬥起來好像乏力極早,再加上今次事前停課相當久,仲要用唔算硬功好強的「豐」,太難發揮啦。
5「青工精神」真心跑泥地一場算唔錯啦,但試哂草泥,田草又特別勁差,隻馬晨操都仲有伸頸問題,可能都係要等。
7「青心星」雖然此父系非完全冇田草好的份子,但短途來說真的跑谷草及泥地威力強好多,此駒感覺亦差不多,就算未轉倉前都係田草贏唔到。而此駒有點唔能夠多跑多博,最唔好係上次走去泥地諗住食硬但輸俾「熙」放「獎金大王」的神來之筆,該場用力極多。今場大外檔都焗放味濃,但難度再增加,而上場賽後全慢操,誠意唔懷疑但仲夠唔夠體力真係有問號。
8「星運明爵」相信會是引入落飛,但此系好少用「田」,而縮程縮到咁短真的是此駒少有作風,再加上此駒就算跳攤嚴重,不過以往得的情況下,一係多數磅位平穩,二係多數泥轉草最好,但谷轉田就全墨,仲有四分就可落班可能更有贏面。
9「晉神」如博可以下星期三晚個兩組1200米報名,成個倉報名一隻都冇,田草唔係唔得但上場真係散得勁快,以前都少見呢種情況實處下風多。
10「騰飛塔」贏馬個陣係大外檔兜出去跑,所以上場都唔太怪「雷」的處理,但隻馬上兩場真係一滴都冇,而且係好早蝕氣,而贏個一場是否證明此駒在三班留得住相當有疑問,此駒跑第二個場真係唔夠隻「神駿馬車」衝,隻馬仲要潛低個頭,未見有回氣之象唔敢博。
11「神駿馬車」上場話快跟有得講,但講真入直路都散哂,四場前田草1200米的一仗真係就算後上都冇野睇,此駒都係跑谷草高一點,但又係要個好檔,今場排檔唔好之餘,田草贏的一場都係守好位衝贏隻「騰飛塔」,不如落四班谷草更有機會吧。


(河馬仔賽馬專欄)2021/05/02真金投注紀錄


2021/05/02「河馬仔賽馬專欄」,要追番三年的負數,真係要十五連莊先得。

是日 : + $42877 - $18900 = + $23977

累績 : + $23977 - $323518 = - $299541
返回列表